Schölers leest Platt - Wettstriet in de Nordlicht-School Süderbrarup

Negen Schölers ut de 3. un 4. Klass vun de Nordlicht-School in Süderbrarup hem op de Plattdüütsche Vörleeswettstriet, an de 13. Januarmaand, een sülvst utsökte plattdüütsche Geschicht leesen. De Schölers Nele, Laura, Levke, Marie, Juna, Jannes, Lone, Mateo un Tove harn alltohoop flietig övt. Mannichmal wärn dorbi seker ok Öllern, Grotöllern oder sogor Navers een grote Hülp. Dank ok! So wär dat för de Plattdüütsch-Schoolmeesters an de School swoor, een Oordeel to beslüten. Övereenkamen geev dat aver bi de erste dree Winners.

Winnersche vun de 1. Platz wär Marie Bruhn ut Böel mit ehr Geschicht vun dat Frünnenbook.

Up de 2. un 3. Platz sünd kamen: Levke Thomsen ut Mohrkark un Jannes Krambs ut Süderbrarup. 

All dree Kinner harn een bannig gode Utspraak, jüst so as „Native-Speakers“. För Marie geiht de Wettstriet nu wieder. In’t Fröhjohr schall se bi den Regionalentscheed vun uns Landschaft Angeln leesen. Se hett grote Chancen un wi alltohoop, de Lüüd vun den Nordlicht-School, drücken ehr de Dumen.

Margit Wree-Wacker